Kreu i Partisë Demokratike Sali Berisha në mbledhjen e Këshillit Kombëtar ka njoftuar se ditën e nesërme Lulzim Basha do të shkojë në gjykatë të dorëzojë zyrtarisht dorëheqjen.
Ndërkohë Partia Demokratike ka dorëzuar sot në KQZ kërkesën për regjistrim në koalicion me aleatët.
Fjalimi i Berishës në mbledhjen e Këshillit Kombëtarë të PD-së me dyer të mbyllura
Kreu i Partisë Demokratike, Sali Berisha gjatë mbledhjes me Këshillin Kombëtar të Partisë Demokratike, në të cilën është marr vendimi që PD-ja të futet ne koalicion në zgjedhjet e 14 majit.
“Ne sot do paraqesim në KQZ kërkesën për regjistrimin e PD në zgjedhje sepse kjo bazohet ne faktin se nuk është në fuqi vendimi gjykatës dhe ata ( grupimi Bashës) sipas kodit zgjedhor nuk mund te regjistrohen. “Brava” ka dhënë dorëheqjen dhe e ka mbajtur peng Rama, dhe nesër ai do të shkojë në gjykatë dhe do të pranojë që ka dhënë dorëheqjen. Nesër ai cakton Alibejan si kryetar. Kjo s’ka bazë ligjore” ka thënë Berisha.
Ai gjithashtu ka folur për ish-liderin e PD-së Lulzim Bashën duke u shprehur se ai ishte një peng.
“Qëllimi me madhor ishte bashkimi. Basha ishte peng. Edhe sot mund ti çohet dosja nga e para për larje parash. Nga 720 mije dollarë vetëm 25 mije dollarë kane hyre në arkë të PD-së. Ne s’mund të gjejmë burimin por ai transaksion nuk është bërë legal nga arka dhe kontot bankare të PD. Auditi ka dorezuar raportin para 2-3 ditësh”, tha ai.
Kryedemokrati ka përmendur Enkelejd Alibeajn duke thënë se çdo kandidat i tij është i Ramës.
Kur hyra në seli i pari qe kam takuar ishte ai. U përpoqa por njësoj…Tani gjërat do marrin vendin e vet. çdo kandidat i tyre është i Ramës. E ka shprehur në mënyrë të turpshme kandidati Dibrës që e kemi pas kryetar partie prej vitesh, ai ka thënë se “duhet t’i dëmtojmë në zgjedhje”.
Berisha i ka bërë ftesa deputetëve të cilët nuk janë bashkuar duke thënë se përveç Bashës dhe Alibeajt të tjerët janë të mirëpritur.
Përveç Bashës dhe Alibeajt që s’do kenë vend ne PD se janë bërë vegla të Ramës, kushdo që do të afrohet ne e mirëpresim pa hezitim. çdo njeri do ketë të drejtë të doje ose jo kryetarin e Partisë, ne të tillë do mbetemi. Ne statut kemi vendos fraksionet. Por ata të dy u përdorën në shkallë ekstreme. Avokati i tyre tha në gjykatë, “ jo, ne nuk kemi qenë palë”.
Berisha i ka dhënë kandidatëve një porosi duke u shprehur se qytetari është i parit.
Aleancat lokale janë të autorizuara. Një porosi i dhashë kandidatëve: “Ju jeni kandidatët e qytetarëve, respektojini, dëgjojeni qytetarin. I pari është qytetari”./Opinion.al
