Zëvendëskryeministri Erion Braçe ka reaguar pas deklaratave të kreut të PD-së, Lulzim Basha lidhur me kandidimin e ish-kryeministrit Berisha në zgjedhjet e ardhshme.
Mbrëmjen e së enjtes në emisionin “Opinion”, Basha deklaroi se Sali Berisha do të jetë në listat e kandidimit në zgjedhjet e ardhshme në cilën zonë ai të dëshirojë.
Braçe ka ironizuar punën e Komisionit të Vlerësimit të kandidatëve që PD ka zgjedhur duke thënë se ata janë sa për sy e faqe.
“Ja kaq ishte; vrasësi nuk e vret dot kurrë urdhërdhënësin! Përkundrazi, urdhërdhënësi mund të qërroje edhe vrasësin! Por deri atëherë, janë të detyruar të jenë bashkë, kudo, ku të dojë AY! Tani a e mbani mend atë komisionin që ishte risia e madhe e demokratike me profesorë famozë që do bënte pastrim? Vate! Ai ishte për të fshehur kunatin, për ta bere më demokratik procesin kunatit! Tani profesorat kanë një detyrë: Ti gjejnë zonën SALY BERISHES! Kaq! A ju japim një dorë? Unë them të kandidojë në Tropojë! E ka pastruar tani duke vrarë e varrosur dhjetëra kundërshtarë! Por mendoj edhe Gërdecin. Aty mund të jetë edhe garanti më i afërt për biznesin e boronicave në pritje të rikthehet për t’u marrë me bombat metalike që kanë mbetur! Po edhe në Sarandë mund të jetë! Aty e duan të gjithë, imagjinoni, i vetmi pas Skënderbeut, ky shtoi territorin shqiptar në Sarande! Por jam i bindur se Saly Berisha do ishte fiks si deputet në Bulevard! Ay është unik aty, është i vetmi që nga fashizmi që ka pushkatuar kundërshtarë aty! Si mendoni ju?“, shkruan Braçe./ Opinion.al
