Ambasadori i BE-së, Luigi Soreca në një dalje për mediat është pyetur lidhur me angazhimin e ish-kryeministrit, Sali Berisha në fushatën dhe zgjedhjet e pjesshme vendore të 6 Marsit edhe pse është shpallur ‘Non Grata’ nga SHBA.
Nga Korça, ai deklaroi se nuk dëshiron të komentojë zhvillimet e brendshme të një partie. Sipas tij BE zgjedh parimin e mosndërhyrjes.
“Më lejoni të mos komentoj për zhvillimet e brendshme të një partie. Ne kemi ndjekur dhe vijojmë të ndjekim parimin e mosndërhyrjes. Do ketë dhe zgjedhje në të ardhmen. Në të njëjtën kohë vazhdojmë punën tonë duke biseduar me të gjitha forcat politike në vend edhe sa i përket çështjes së vettingut”, deklaroi Soreca./Opinion.al
