Pas ndërprerjes së seancës plenare, kreu i PD, Sali Berisha, doli live në rrjetin social “Facebook”.
Berisha u shpreh se është live në të gjithë botën ndërsa iu drejtua deputetëve të PS duke iu thënë të mos i qajnë hallin.
“Do mbrojmë të drejtat kushtetuese, kurrë nuk mund të shtypësh këtu popullin opozitar. Jam live në të gjithë botën! Mos qaj hallin tim. Të dalë këtu përfaqësuesi i bandave të dalë po të dojë, jam live në gjithë botën. Të përjashtoni Edi Ramën nga parlamenti për fjalët e tij të pista për urrejtjen e tij ndaj opozitës. Përjashtuat Palokën dhe Leskën që s’thanë asgjë dhe lejoni atë.”- tha Berisha.
Pranë Berishës folën dhe disa nga deputetë të tjerë, mbështetës së tij.
