Kryetari i Partisë Demokratike,Sali Berisha po zhvillon një takim me qytetarët në Dibër.
Gjatë bashkëbisedimit me ta, kryedemokrati Berisha tha se Shqipëria po humbet me shpejtësi banorët e saj. Bazuar në statistikat e BE-së, Berisha tha se nga viti 2014 deri më sot janë larguar nga Shqipëria 744 mijë shqiptarë, ndërsa thekson se kjo shifër vlen vetëm për shqiptarët që janë larguar në vendet e BE-së dhe jo në vende të tjera të botës.
“Një komb që humbet me shpejtësi banorët e tij, anëtarët e tij është në rrezik dhe rrezik të madh kudo. Këto 8 vite asnjë komb tjetër nuk ka humbur pjesëtarët e vet sa i kemi humbur ne shqiptarët. Kjo nga viti 2014 e gjer sot me statistika të sigurta të BE-së, vetëm në zonën e BE-së janë larguar nga Shqipëria mbi 744 mijë shqiptarë pa llogaritur sa kanë shkuar në vende të tjera të botës”, u shpreh Berisha.
