Partia Demokratike ka mbledhur sot Kryesinë në selinë blu.
I pari që mori fjalën ishte deputeti Flamur Noka, i cili e hapi fjalën e tij duke komentuar masën e vendosur ndaj ish-kryeministrit Sali Berisha.
Ai ka thënë se çdo drejtues dhe pjesëtar i PD do “të hidhet në betejë dhe do t’i përgjigjen kryeministrit Rama”
“Berisha sot është i burgosur politik. Rama çeli siparin e një neodikature. Do që të zhdukë opozitën. Në këtë situatë të imponuar, çdo demokrat, dhe çdo drejtues i PD duhet dhe do të hidhet në betejë. Ne duhet të marrim me shpejtësi kthesën dhe t’i përgjigjemi Ramës. Për këtë nuk do të ketë asnjë hezitim”, tha Noka.
Kjo është mbledhja e parë që zhvillohet pas dhënies së masës “arrest në shtëpi” për ish-kryeministrin Sali Berisha.
