Ish-kryeministri, Sali Berisha, përmes një postimi në “Facebook” ka paralajmëruar se po rikthehet kultivimi i lëndëve narkotike në Shqipëri.
Berisha duke iu referuar burimeve të tij, shprehet se qeveria ka vendosur të nxisë sërish mbjelljen masive të kanabisit për të zbutur pakënaqësinë masive që sipas ish-kryeministrit ekziston ndaj saj.
Ish-kryeministri shton se lejimi i mbjelljes së drogës në vend, është fushata e qeverisë “Rama” për të blerë zgjedhjet e qershorit.
Ai u ka barë thirrje agjencive ligjzbatuese si Europol dhe Interpol që të marrin masa parandaluese, pasi sipas tij, kjo aferë do të ketë pasoja shkatërruese për Shqipërinë.
Postimi i plotë
Porositen qindra mijra fidane dhe po pregatiten mbjellje te medha kanabisi!
Te dashur miq, burime shume mire te informuara njoftojne se narkoqeveria e narkoshtetit ka vendosur te nxise perseri mbjelljen masive te Kanabisit ne Shqiperie per te zbutur pakenaqesine masive qe ekziston sot ndaj qeverise dhe zbutur shkallen e revoltes ne rritje te masave kunder narkoqeverise.
Qellimi i dyte i ketij operacioni me megakriminal te kobshem qe u parapri nga qindra e qindra zjarre ne mars si kurre ndonjehere me pare (per te hapur qindra e qindra hektare per hashash) eshte perdorimi i mbjelljeve dhe produkteve te hashashit per qellime te blerjes se zgjedhjeve qe po duken ne horizont.
I bej thirrje Interpolit, Europolit, agjensive te luftes kunder droges te vendeve partnere te marrin cdo mase dhe ushtrojne cdo presion kunder narkoqeverise dhe narkoshtetit shqiptar dhe te bllokojne kete mega afere me pasoja shkaterrimtare per Shqiperine por tejet te demshme edhe per rajonin. Sb/ Opinion.al E.Xh.
