Duket se i është përgjigjur me të njëjtën monedhë ish-kryeministri Sali Berisha, kryeministrit Edi Rama, i cili në fjalën e tij në Kuvend ka thënë se Berisha është i vdekur institucionalisht.
Teksa tha se kreun e qeverisë e ka kapur psikoza e vdekjes, Berisha nënvizoi se opozita jo vdekjen biologjike, por vdekjen politike do t’ja garantojë 100% Ramës.
“Psikoza e vdekjes e kap njeriut kur ka kryer krime që tejkalojnë në dëmet e tyre edhe vrasjet. Psikoza e vdekjes e kap njeriu kur bashkëpunëtorët e tij ndodhën në biruca dhe çdo natë e thërrasin eja tek ne, siç është rasti i Bllakos. Psikoza e vdekjes e kap njeriun kur e di se është kapur në flagrancë duke vjedhur votën e shqiptarëve. Ai përfytyron natën me ankthe. Psikoza e vdekjes e kap njeriun që vjedh dhe është i tmerruar nga trofetë që ka vjedhur… Opozita jo vdekjen biologjike, por vdekjen politike do t’ja garantojë 100%”, tha Berisha.
