Numri një i portës së kombëtares shqiptare Etrit Berisha nuk ishte prezent në stërvitjen e pasdite zhvilluar në “Tropikal” ku ekipi është grumbulluar si zakonisht për t’u përgatitur për kualifikueset me Spanjën dhe Italinë.
Shkak për këtë mungesë është bërë viroza e stinës megjithatë stafi mjekësor i kuqezinjve siguron se Berisha do të jetë në portë kundër Spanjës dhe Italisë.
Gjithashtu në stërvitjen e sotme mungonte edhe portieri i ftuar së fundmi nga Panucci, Enea Koliçi. Portieri i Kukësit, u larguar drejt Pogradecit për t’u pajisur me pasaportë të re, pasi asaj aktuales i kishte kaluar afati i përdorimit.
Gjithsesi nga nesër, pogradecari do të jetë nën urdhërat e trajnerit Christian Panucci dhe ndihmësave të tij./eduasportin.com
