Është mbledhur këtë të enjte kryesia e Partisë Demokratike. Fjalën hyrëse po e mban kreu i PD, Sali Berisha.
Berisha ka akuzuar kryeministrin Rama se po vjedh përmes projekteve si Porti i Durrësit, Parkun e Butrintit dhe prokurimet publike.
“Ne mblidhemi sot pas një vere shumë të nxehtë, e cila vazhdon me temperaturat e larta të saj, në shpirtin dhe mendjen e qytetarëve shqiptarë.
Sot, Shqipëria po zien, Tirana po vlon. Pakënaqësia dhe urrejtja ndaj këtij regjimi po bëhet gjithnjë e më e papërmbajtur, gjithnjë e më e madhe.
Kjo është plotësisht e ligjshme, sepse çdo ditë e më e papërmbajtur bëhet makineria e vjedhjes dhe e plaçkitjes nga regjimi me në krye Edi Ramën i qytetarëve shqiptarë.
Institucionet e këtij shteti të mafies janë sera që përgatisin hajdutë zyrtarë. E them jo për të injoruar se ka në administrë njerëz të ndershëm, por me qindra firma të hedhura mbi dokumenta e pamundur të gjesh qoftë dhe një në përputhje me ligjin dhe transparencën.
Kjo ndodh sipas një ligji të njohur kryemiministri vjedh, vjedhja kthehet në sistem. E transformuar në një makineri vjedhjesh, asnjë mekanizëm zyrtar nuk mund ta ndalojë këtë makineri. Vjedhja e pronës publike kulmon me Portin e Durrsin, Parkun e Butrintit dhe prokurimet publike bëhet më e madhe”-tha Berisha.
