Ish-kryeministri Sali Berisha mbërrin në Kuvend. Ai është shoqëruar nga deputetja Albana Vokshi dhe Flamur Noka.
Me të mbërritur Berisha, deputetët demokratë tentuan që të hynin në sallën ku zhvillohen seancat plenare.
Por, Garda e Republikës ishte vendosur “gardh” tek dera e Parlamentit dhe nuk ka lejuar deputetët e opozitës të përjashtuar të futen brenda. Kjo ka çuar në përplasje mes tyre dhe efektivëve të Gardës.
“Hapni derën, lejoni të futen brenda ata që nuk janë të përjashtuar”, thonë deputetët.
Deputeti, Bledjon Nallbati kërkon të futet në Kuvend pasi vendimi për përjashtimin e tij është deri më datën 21, por nuk janë këtij mendimi punonjësit e Gardës, të cilët shprehet se vendimi përfshin edhe datën 21.
“Jeni në terezi, apo jo”, dëgjohet të thotë një tjetër deputet i PD-së.
Kujtojmë që Kuvendi do të votojë për heqjen e imunitetit të Sali Berishës. Në pikën e parë të rendit të ditës është votimi për heqjen e imunitetit të Sali Berishës.
