Në një intervistë për ABC News ish-kryeministri Berisha dekalroi se duhet ngritur një komision hetimor palamentar për të marrë dëshmitë e Ylli Manjanit. Sipas tij, vijimi i qeverisjes Rama-Meta është dëshmi se këtë vend po e drejton një organizatë kriminale.
Ylli Manjani është njeriu më i rrezikuar sot, deklaroi ish-kryeministri Berisha, duke iu referuar shkarkimit të ministrit të Drejtësisë tij dhe informacionit që ai tha se zotëron.
Berisha tha se duhet një komision hetimor parlamentar për të marë dëshmitë e Manjanit.
Përfundimin e fortunës së radhës me largimin e një ministrit të LSI-së, e quan edhe kapitullim të Ilir Metës. Fitoi Balili tha Berisha, ndërkohë që e quan me vend kërkesën për mbledhjen e Këshillit të Sigurisë Kombëtare.
Ndërkohë Berisha ka një argument sepse kryeministri Edi Rama nuk ka kërkuar edhe shkarkimin e ministrit Lefter Koka, akuzat e të të cilit shkatuan dhe bujën më të fortë gjatë fundjavës.
Berisha rithekson qëndrimin e tij se Rama nuk i ka mirë punët me Shtetet e Bashkuara të Amerikës, ndërkohë që prej kohësh është kërkuar sipas tij shkarkimi i ministrit të Brendshëm. Një detaj aspak i parëndësishëm për vëmendje është ky.
Nuk përjashton vijimin e bashkëpunimit Rama-Meta edhe për zgjedhjet e radhës edhe pse në mënyrë të përsëritur i kanë thënë të fundit njëri-tjetrit.
Por kjo, thotë ai është dëshmia e më e mirë se në vend po drejton një organizatë kriminale, siç u shpreh, ndaj Berisha beson se qytetarët do të zgjedhin partinë demokratike.
