Ish-kryeministri Sali Berisha ka hedhur akuza edhe ndaj ministrit të Drejtësisë, Ulsi Manja.
Pas daljes nga SPAK në një dalje për media, Berisha tha se Manja ka kërkuar një çantë luksoze nga një emigrant.
“Është turpi i turpit të Ulsi Manjës, këtij ministri i cili në regjistrimet telefonike rezulton se përveç 500 mijë Eurove nga një emigrant, i kërkon edhe çantë Louis Vuitton.
Dhe emigranti i thotë atë çantë për kë e do ti? Heh e dua për zonjën thotë! Jo, jo e do për tjetër kënd, po s’po hyj në intimitete se s’ka lezet. Janë në dosje, i kanë të gjithë këto. Pra kjo Irena, me 5 fytyra po asnjë njerëzore, kjo vesh togën e zezë për të mbuluar dënimin e saj. Dua të falenderoj autoritetet greke që e bënë publik këtë dokument”, deklaroi kryedemokrati.
Teksa u pyet nga gazetarët, se pse zgjodhi të ishte më sportiv përgjatë kësaj fushate elektorale, ai tha:
“Me këtë ndryshim klimatik, m’u imponua sportiviteti. Natyra është forcë madhore!”, u përgjigj kreu i PD-së.
