Kryesore

Berisha: Largimi i të rinjve lajm i mirë për qeverinë, dobësohen protestat



Bëhu pjesë e Grupit Zyrtar të Opinion.al
>> KËTU <<
               Publikuar në : 11:09 - 29/12/22 |
Opi Nion

Kryetari i PD, Sali Berisha paraditen e sotme ka zhvilluar një takim në selinë blu me rrjetin  ndërkombëtar dhe atë vendor të Departamentit Brain Gain & Ekselences.

Gjatë fjalës së tij, kryedemokrati nuk i kurseu akuzat për korrupsion ndaj qeverisë, duke thënë se është një nga arsyet e largimit të qytetarëve nga Shqipëria.

Sipas Berishës, largimi i të rinjve nga vendi është lajm i mirë për qeverinë “Rama”, pasi në këtë mënyrë dobësohet fuqia e protestave.

“Ka një raport jetik midis të ardhmes dhe rinisë. Midis të ardhmes dhe elitës. Në rast se ju vështroni sot shifrat demografike, ato janë tmerrësisht tronditëse. Një komb që vetëm në hapësirën evropiane, humbet 740 mijë qytetarë, pa llogaritur të tjerë që janë larguar në drejtime të tjerë, jo Shengen. Në historinë e luftërave, botërore apo civile, nuk gjendet asnjë komb tjetër që ka pësuar këtë katastrofë demografike që ka pësuar kombi shqiptar. Polonia ka humbur 20 përqind të popullatës në Luftën Botërore. Shqipëria 31 përqind në 7 vite. Kjo jo nga tirania e mjerimit e vitit 1991, kur njerëzit nuk kishin kafshatën, por nga një agresion brutal i krimit, i drogës, i lidhjeve të qeveritarëve me krimin, drogën dhe vjedhjen e qeveritarëve. Për këtë qeveri, largimi i të rinjve është një lajm i mirë, sepse dobësohet fuqia protestuese dhe votat kundër saj. Për vendin dhe kombin, kjo është absolutisht një katastrofë. Dy gjëra rrënojnë më shumë se tjetër të ardhmen: mungesa e rinisë. E dyta, borxhi. Edhe borxhi është një barrë e tmerrshme. Kjo qeveri, të dyja po i kryen në mënyrën më pasionante”,-tha Berisha./Opinion.al

Pas