Politikë

Berisha: Kriza energjitike e krijuar nga Rama, zbrazi kaskadën


Bëhu pjesë e Grupit Zyrtar të Opinion.al
>> KËTU <<
               Publikuar në : 19:29 - 06/10/21 |
el ida

Nga “Foltorja” në Gjirokastër ish-Kryeministri Sali Berisha ka reaguar lidhur me paralajmërimin publik të Kryeministrit Rama për një krizë energjitike që mund të shoqërohet me rritje të çmimit të saj.

Berisha e ka cilësuar Ramën si spekulant, ndërsa tha se Rama ka zbrazur kaskadën dhe nuk ka rezerva hidrike duke shitur energji gjatë muajit gusht dhe nuk ka rezerva hidrike për dimrin.

Sot lajmi, sihariqi i madh që jep kreu i meduzës është kriza që do të përpijë si lubi Shqipërinë. Cila krizë? Shikoni ca spekulanti i pashpirt që është. Është rritur çmimi i gazit, por çfarë gazifikimi kemi ne në Shqipëri? Sa energji elektrike prodhojmë nga gazi ne? Zero. Në qoftë se kriza e gazit kap një vend i cili 25% të energjisë e ka nga gazi, si do të na kap ne që 98% të energjisë e kemi nga ujërat tona. Kaskada gjithnjë ruhet për vjeshtë. Verës gjen më lehtë energji. Zotëria ka zbraz kaskadën, ka shitur gjatë gushtit energji masivisht. Janë prodhuar 7.2 teravat, miliardë kilovat energji në Shqipëri, janë konsumuar maksimumi 6, janë eksportuar 1,2 dhe tani kaskada është ne vdekje klinike. Sot çmimi i energjisë është tre herë më i lartë nga ç’ishte në gusht.  Kjo është krizë e krijuar vetë, nuk është krizë e gazit në Shqipëri, është krizë e Edi Ramës, e ministres së papërgjegjshme. Boshatisën kaskadën. Nafta në Shqipëri është cent për cent baraz me Zvicrën. E dini sa janë rrogat në Zvicër, të ardhurat vjetore. Janë 95 mijë dollarë, janë 5 mijë e 200 dollarë në Shqipëri. Qytetarët zviceranë marrin 18 herë më shumë se ne dhe litrin e naftës e paguajnë njësoj me ne. Pse do rritet nafta? Je ti i përzier në këto afera. Dilte edhe thoshte nuk jam diktator të kontrolloj çmimet. Je njeri i pamëshirë, që të peshojnë në para sa herë u teket. Unë nuk godas lirinë e tregut, por godasë spekulimet. Një lloj sadisti, që thotë do kemi krizë të madhe shumë”, tha Berisha./Opinion.al

 

Pas