Ditën që Lulzim Basha ka planifikuar të zhvilloi Kuvendin Kombëtar, ish-kryeministri Berisha pritet të organizoi referendumin për miratimin e shkarkimit të kryetarit të PD.
Shkarkimi i Bashës u votua me më shumë se 4 mijë vota në Kuvendin e 11 dhjetorit, ndërsa pritet që kjo të miratohet edhe në referendumin e 18 dhjetorit.
Nga selia e PD, Berisha është shprehur se më 18 dhjetor ishte planifikuar një protestë kundër qeverisë Rama, por ajo nuk do të zhvillohet për shkak të referendumit për shkarkimin e Bashës.
“Protesta kombëtar ishte dhe është opsion, që të jem transparent me ju unë, një opsion ishte në datën 18. Por problemi është se referendumi duhej bërë për shkak të festave që vijnë. Edhe shpëtoi, Edvin Kristaq Ramën e shpëtoi referendumi i peng Bashës se do kishte patur të gjithë Shqipërinë në Tiranë. Kjo është e vërtetë, por do vijë shumë shpejt. Revolucionin nuk e ndalon dot kush, mjerë ai që kujton se mund ta ndalojë. Një herë të drejton, një herë e drejton ti, por ai të ndalur nuk ka”,-tha Berisha.
