Ish-kryeministri Sali Berisha ka bërë thirrje për një mbledhje urgjente të Kuvendit për heqjen mandatit të deputetit Saimir Tahiri.
Përmes një shënimi në Facebook, Berisha shkruan se Tahiri ka shkelur vendimin e Kuvendit, i cili ndër të tjera nuk e lejonte atë të largohej nga Shqipëria.
Sipas tij, me këtë akt të rëndë antikushtetues, ka humbur të drejtën e mbajtjes së mandatit të anëtarit të parlamentit.
“I bëj thirrje parlamentit të mblidhet me urgjencë për heqjen e menjëhershme të mandatit të deputetit Saimir Trafiku, ose të vendosë vetëshkrijen e tij!”, shkruan ai.
Statusi i plotë i Sali Berishës:
Ish-kryeministri Sali Berisha ka reaguar pas publikimit të vendimit të Kuvendit, sipas të cilit ish-ministri i Brendshem, Saimir Tahiri nuk duhet të dilte jashtë shtetit, ndërkohë që është nën hetim për trafik droge.
Heqja e mandatit te Tahirit është emergjencë Kushtetuese!
Të dashur miq, Saimir Trafiku ka shkelur vendimin e Kuvendit, i cili ndër të tjera nuk e lejonte atë të largohej nga Shqipëria. Me këtë akt të rend antikushtetues ai ka humbur të drejtën e mbajtjes së mandatit te anëtarit të parlamentit. Këtë vendim të votuar nga Kuvendi, nuk mund ta anuloj asnjë institucion tjetër përveç Kuvendit. Shkelja e vendimeve te Kuvendit përben shkelje madhore kushtetuese, por për Noriegen dhe Saimir Trafikun jo, pasi Kushtetuta, vendimet e parlamentit janë letër pa vlerë.
I bëj thirrje parlamentit të mblidhet me urgjencë për heqjen e menjëhershme të mandatit të deputetit Saimir Trafiku, ose të vendosë vetëshkrijen e tij! sb
