Ish-kryeministri Sali Berisha foli nga çadra e protestës lidhur me 22 marsin e vitit 1992. Berisha tha se para 25 vitesh Shqipëria ishte vendi më i izoluar në botë dhe nuk mund të lëvizte në ansjë vend, ndërsa sot lëviz lirshëm në të gjithë kontinentin e saj.
Përgjatë fjalës së tij, ish-kryeministri është ndalur edhe tek protesta e opozitës, ndërsa theksoi se prej një muaji po kërkojnë në këtë bulevard lirinë themelore, atë të votës.
Sipas Berishës, opozita e ka marrë këtë vendim ekstrem po në kushte ekstreme të eksponentëve në pushtet, ku klika e atyre që rrëzuan në 22 mars ka rikthyer me emra e praktika të papajtueshme për një vend të lirë dhe mbi të gjitha ka zhdukur për shqiptarët çdo shpresë për të votuar të lirë.
“Mendoni vetëm për një moment, Shqipëria për shkak të kiklave elektorale të Edi Ramës është mbushur më kanabis nga cepi në cep të vendit. Po të falëm votën, te kemi falur jetën, po nuk të falëm votën dihet se nuk te kemi folur as jetën. Ne përjetuam njëherë diktaturën harroje se do e përjetojmë përsëri atë”, tha Berisha.
