Ish-Kryeministri Sali Berisha ka deklaruar se ka informacione se një shtet mik ka nxjerr mandat arresti për zëvendëskryeministrin Arben Ahmetajn dhe Sekretarit të Përgjithshëm të Kryeministrisë, Engjëll Agaçin.
Në “Tv Klan”, Berisha tha se për abuzimet me tenderat e inceneratorëve është përgjegjës, kryeministri Edi Rama dhe Arben Ahmetaj.
“Këtu kanë punë vetëm dy persona, kur nuk ekziston fondi, krijimin fondin e urdhëron vetëm Kryeministri. Njeriu numër 1 përgjegjës për vjedhjen është Edi Rama dhe vetëm Edi Rama. Po ashtu përgjegjës është dhe ministri i Financave, Arben Ahmetaj, i cili mund ta bllokoj Kryeministrin. I thotë unë bllokoj fondin dhe jap dorëheqjen. Qarkullojnë disa fjalë, se ka një mandat arresti nga jashtë, mandat arresti për Engjëll Agaçin dhe Arben Ahmetajn. Ata kërkojnë arrestimin, nuk është nga Interpoli më duket. Një gjë është e sigurt, një strumbullar absolut është Ëngjëll Agaçi, ai është Sekretari i Përgjithshëm i vjedhjes shtetërore. A e di ti që Don Agaçio ka qenë kryesor në bordin e naftës. Ai është njeriu kryesor që i besoi Rama mbylljen e dosjeve të Lulzim Bashës. Ai është po kaq sa Ahmetaj në aferën e djegësve”, tha Berisha./ Opinion.al
