Në konferencën e përjavshme për mediat, ish-kryeministri Sali Berisha theksoi se PD po përgatit disa dokumenta për t’ua dorëzuar instancave ndërkombëtare, lidhur me shkeljet në zgjedhjet e 14 Majit.
Ai deklaron se janë dëshmi të cilat faktojnë një proces zgjedhor jo të drejtë, ndërsa shtoi se do t’u dorëzohen ndërkombëtarëve pasi njerëzit kërkojnë garanci për kokën e tyre.
“Sipas rastit do i publikoj dokumentat, por ka dëshmi që për fat të keq jemi të detyruar t’i dorëzojmë në instanca ndërkombëtare sepse njerëzit kërkojnë siguri për kokën dhe ne nuk ia u japim dot. Raporti është duke u përgatitur, jemi në komunikim të vazhdueshëm me strukturat që po mbledhin fakte. Ne ta dijë çdo shqiptar se kurrë nuk do abuzojmë me votën. Ne nuk kemi thënë kurrë se i kemi fituar zgjedhjet, por nëse nuk ka zgjedhje të lira, rezultati nuk pranohet”, theksoi ai.
