Ish-kryeministri Sali Berisha ka dhënë versionin e tij, për vrasjen e avokatit Ravik Gurra në Elbasan. Në një postim në rrjetet sociale ai shkruan se ekzekutimi i 50-vjeçari është një vrasje shtetërore. Këtë akuzë Berisha e lidh me punën e 50-vjeçarit.
“Ai mësoi edhe sekrete të shtetit të mafies, lidhjeve të qeveritareve me drogën, vrasjet, trafiqet dhe për qeveritarë që ishin peng i lidhjeve të tyre me krimin. Prandaj dhe shkaku i ekzekutimit të tij mafioz shtetëror qëndron me sa duket para se gjitha te sekretet qe ai mësoi për shkak të profesionit, te cilat nuk rrezikonin banditët dhe vrasësit ordiner por shefat e tyre ne pushtet dhe qeveri”, shkruan Berisha.
Grupi hetimor nuk ka ende një autor të dyshuar që shkrepi dy plumba në drejtim të 50-vjeçarit nga një pistoletë më silenciator. Identifikimi i tij është mjaft i vështire për shkak se atentatori ka qenë i maskuar dhe në vendin e krimit nuk ka lënë asnjë provë.
Më pas ai u largua me shpejtësi ku pak metra më tutje e priste një tjetër person me makinë. Oficeret këqyren disa kamera sigurie ku kaloi mjeti, por nuk u përfitua asnjë element i vlefshëm, pasi kanë qenë të dy të maskuar./Opinion.al
