Ish-kryeministri Sali Berisha deklaroi në një lidhje direkte në emisionin Opinion se janë 15 mijë shqiptarë jashtë territorit shqiptar që presin riatdhsimin.
Këtë shifër Berisha e bazoi në një deklaratë të zv/ministrit të Jashtëm.
“Janë 15 mijë, kjo shifër është e zv/ministrit të jashtëm në intervistën e dhënë në 24 neës i veshur si sportist”, tha Berisha.
Ai kritikoi ashpër procesin e riatdhesimit që po bën qeveria pasi konsideroi “krim kundër njerëzimit” bllokimin e qytetarëve në tokë neutrale në kufi.
Berisha shtoi gjithashtu se në këtë proces po përdoren standarte të dyfishta ku disa qytetarë janë riatdhesuar edhe janë karantinuar në shtëpi dhe disa në hotel.
“Para 20 ditësh, u riatdhesuan 1 mijë e 500 – 2 mijë shqiptarë që të gjithë shkuan në shtëpitë e tyre në karantinë. Çfarë dallimi kanë këta të parët nga të dytët?”, tha Berisha. /Opinion.al
