Ish-kryeministri Sali Berisha, në një status në rrjetin social “ Facebook”, ka publikuar mesazhet e qytetarëve të cilët thonë se “një anije ruse nën sanksione po përpunohet në Portin e Durrësit”.
“Ja se kush po ndihmon Putinin! Anija ruse nën sanksione, me gjithë denoncimin tim të mëparshëm, po përpunohet në Portin e Durrësit. Ajo nuk ka grurë, por tuba etj. Ajo nuk hyri dot në portet e Francës”, shkruan Berisha në rrjetin social, teksa ka postuar “mesazhet e denoncimit të qytetarëve dixhital”.
“Doktor mirdita. Së pari ju uroj një dite të mbarë ! Së dyti po ju sjell nje info për anijen ruse qe ju patët denoncuar per tu futur në Portin e Durrësit. Ato po përgatiten për ta përpunuar”, është mesazhi i një prej qytetarëve.
Ndërkohë një tjetër shkruan: Turp më të madh se Kryeministri që thotë “protestuesit janë turp se protestojnë kur në Ukrahine bëhet luftë” nuk ka. Quan turp popullin që proteston për çmimet, e nga ana tjetër bashkëpunon me rusët. Kishte mbi 10 ditë një anije Ruse e ndaluar nga çdo port i europës të ankorohej që rrinte në ujrat ndërkombëtare e tashmë e pranuan të hyjë në portet shqiptare. Franca e rrefuzoi ( https://www.maritime-executive.com/…/french-navy… ) ne e pranuam. Dhe nje nga kompanite me te listuara per embargo, ( https://www.spisok-putina.org/en/personas/fradkov-4/ ) nderkohe qe Kryeministri thotë turp ju që protestoni kundra ukrainës, por nga ana tjetër bashkëpunojnë me Rusinë. SPAK duhet të hetojë, si janë lejuar të procedojnë institucionet shqiptare që kanë lejuar këtë anije të hyjë, kur drejtoria e doganave ka shpërndarë buletinin e fletores zyrtare te Bashkimit Europian për embargon e subjektet e ndaluara. Japin urdhër të fusin anijen, po nuk mbajnë asnjë pergjigjesi e nuk firmosin asnjë shkrese, por veç urdherojnë me gojë. Doktor turp është kryeministri që qan për Ukrainën e bashkëpunon me Rusinë. Jo populli që proteston. Më poshtë janë fotot e anijes, dhe fletorja zyrtare e Bashkimit Europian për të gjitha subjektet ruse që doganat duhet të ndalojnë. Nuk ka grurë e drithera anija. Ka tuba e paisje makineri, nuk e di tamam.
Fotot po ti hapsh një nga një shef të gjitha materialet, anijen ruse, të dhenat e pronareve rusë, fletoren zyrtare te BE, pozicionin e ankorimit të anijes, dhe refuzimin që Franca i ka bere e nuk e ka lejuar të hyjë në Francë”./Opinion.al
