Sali Berisha duket i zhgënjyer me ish-kreun e SHISH< Visho Ajazi, i cili u dorëhoq para një muaji dhe sakaq u emërua nga Rama ambasador i Shqipërisë pranë NATO-s. Ajazi ishte emëruar nga Berisha në krye të Shërbimit Informativ, dhe ka qenë krahu i tij i djathtë, por duket se në fund të detyrës e ka mërzitur jo pak Berishën.
Pjesë nga intervista e Sali Berishës mbrëmjen e djeshme në emisionin e Artur Zhejit “360 gradë”
Zheji: Pse Visho Ajazi shkoi ambasador?
Berisha: Mendoj se i shërbeu vendit me përkushtim e dinjitet. Në një shtet që po kanabizohej nga koka tek këmbët ai qëndroi fuqishëm përballë kësaj politike e këtij procesi. Visho Ajazi bëri një gabim absolutisht për mua jo të pranueshëm në momentin që u largua.
Zheji: Kompromis? Rënie nën presion?
Berisha: Ai u largua kur Edi Ramës po i tundeshin këmbët. Qëndrimi im është për shefin e Shërbimit që të ketë mandat të përcaktuar. Nuk mund të ketë zyrtar pa mandat të përcaktuar. Nëse Edi Rama do të sillte ligjin për mandatin e shefit të SHISH, Sali Berisha do ta miratonte. Unë e quaj që Visho Ajazit i përfundoi mandati megjithëse ligji nuk ekziston. Zgjodhi momentin e gabuar për të dorëzuar mandatin.
Zheji: Thuhet se në një periudhë të caktuar kishte dhënë dorëheqjen dhe Rama e pranoi në një moment tjetër… dhe si shperblim e coi ne Bruksel. Eshtë fakt që ai ikën ambasador.
Berisha: Në qoftë se kjo është bërë mbi bazën e një marrëveshje është shumë e rëndë. Ai nuk zgjodhi momentin për të dhënë dorëheqjen. Ajazin e njoh prej mbi 20 vitesh, por gabimi është gabim dhe mendoj se nuk duhej ta bënte.
