Kryeministri Edi Rama mohoi mbrëmë në emisionin “Xing me Ermalin” deklaratën që ka bërë vetë në universitetin e Vlorës se për të bërë shtëpinë ka punuar në emigracion. Rama tha mbrëmë se kjo është një shpifje pasi shtëpinë ia ka bërë bashkëshortja, Linda. Por Sali Berisha nuk e ka lënë këtë moment të kalojë lehtë. “Ai ka bërë bashkë dy videot dhe shkruan: “Ja ku të çon hajnia o Edvin, të pështysh veten tënde!”
Rama në Vlorë përballë studentëve: S’kam deklaruar që kam 2 mijë euro, është gënjeshtër e sajuar. Kam qenë emigrant, dhe si emigrant kam bërë edhe unë sakrificën në emigracion. Shtëpia ime jo vetëm është e deklaruar në detaj, por edhe taksat i ka të regjistruara. Të keqen vëllai mos i bëj si Saliu këtu në Vlorë.
Edi Rama në Xing me Ermalin: Mos të vijë keq fare, shtëpia është shumë e mirë, nuk ka salltanete të mëdhaja se unë nuk i kam qejf ato me gips, me luanë, me krokodilë etj etj. Nuk dua nga ato pllakat që kur futesh në shtëpi është si të hysh në disko. Unë në një moment të caktuar do të tërhiqem nga kjo punë edhe do merrem me art dhe krijimtari dhe “bunkeri i parë” është vendi ku nesër unë do të merrem me art sepse për momentin shkoj tek oxhaku i atij shokut tim. Ti je i indroktinuar. Në shtëpi ka edhe dy dhoma gjumi të tjera si ajo që pamë dhe më vjen shumë keq se më paraqite tani sikur jam vërtetë për strehim social. Tani një shtëpi që u bë falë gruas sepse po të mos ishte ajo nuk bëhej. Se unë kam jetuar me teorinë që vijmë vetëm dhe ikim vetëm nga kjo botë. Kështuqë shtëpia është vetja. Mirëpo kur martohet njeriu mblidhet dhe ishte gjithë merita e Lindës që u bëra dhe unë me shtëpi. Tani që u bëra me shtëpi thonë: sarajet, bunkerët etj, etj. Unë rrotulloj kokën nëpër kodrat e Surrelit dhe shikoj vila 2 kate, 3 kate… Do ta ndaloni këtë muhabetin e shtëpisë time?
