Ish-kryeministri Sali Berisha në konferencën e sotme për mediat ka ftuar kryeministrin Edi Rama në një debat publik. Berisha tha që në këtë mënyrë mund t’ia themi të gjitha në sy njeri-tjetrit.
“E ftoj në një debat publik para jush. Të dalë, t’ia themi në sy të gjitha njeri-tjetrit. Le ti marrë me mijëra vendime që kam firmosur dhe të vijë. Tua nxjerrë shqiptarëve ashtu siç dilte në plazh, jo fizikisht, por moralisht. Se jetën private e dini ju, e kam ligj”.
Më tej ish-kryeministri Berisha hodhi akuza ndaj vëllait të kryeministrit, Olsi Rama.
“Le të nxjerrë një tender të vetëm të një kompanie ku jo fëmijët e mi se ai është superskandal, por edhe sikur të jenë nënkontraktorë, kurrë. Ju e dini si qarkullon emri i Olsit aferë pas afere. Kudo ku është Rama, nuk është Olsi. Olsi pastron para me sportin”-tha Berisha./Opinion.al
