Ish-Kryeministri Sali Berisha është frymëzuar nga protesta madhështore në Rumani. Ai u kërkon shqiptareve te veprojne si rumunet.
Statusi i plotë i Sali Berishës:
Gushti rumun dhe shtatori shqiptar!
“Te dashur miq, Prej disa ditesh qytetaret rumune jane ngritur ne nje revolucion te fuqishem popullor ne Bukuresht dhe mbare Rumanine, per permbysjen e rregjimit kleptokratik te majte.
Duke shprehur admirimin dhe solidaritetin tim me te madh per qytetaret rumun dhe revolucionin e tyre, ftoj qytetaret shqiptare te ngrihemi dhe ne, ne nje revolucion mbare popullore, per te permbysur narkoshtetin dhe rregjimin kleptokratik ne Shqiperi. Le te shnderrojme ne shtatorin qe vjen, ne shtatorin me te madhe te historise tone. Fitore!”
Te premten e javes qe lame pas, me mijera rumunë protestuan në Sheshin Viktoria të Bukureshtit, kundër qeverisë. Rreth 440 persona mbeten të plagosur. Sipas mediave, gazi lotsjellës, spraj djegës madje dhe hedhëse uji u përdorën nga policia, ndërkohë që nga të plagosurit, 24 ishin agjentë policie.
Rumunët kanë kërkuar dorëheqjen e qeverisë që e akuzon për korrupsion. Presidenti rumun Klaus Iohannis nderkohe e dënoi ndërhyrjen e dhunshme të policisë.
