Thirrjen e Shkëlzen Berishës nga Prokuroria vetëm një ditë para protestës, për të dëshmuar mbi çështjen ÇEZ, Sali Berisha e ka cilësuar politike.
Në studion e emisionit “Zonë e lirë”, Berisha u shpreh se kjo është një betejë politike dhe I takon Shkëlzenit ta demaskojë Edi Ramën.
“Beteja politike nuk më intimidon kurrë. Ajo ishte një përpjekje e turpshme e Edi Ramës për të mbuluar vjedhjen më të madhe në historinë e këtij vendi. Më vjen mirë që djali im të zhvillojë një betejë. Ai do matet me narkoshtetin”, tha Berisha.
Mos është pak e vështirë që të luftosh – ka pyetur gazetari Çani.
“Çfarë mund të bësh tjetër? Të dorëzohesh? Unë nuk mund të bëj asgjë. Ai s’ka asnjë nevojë për mua. Kapacitetet i ka kompatibël. Nëse e thërrasin në mënyrë të tupshme, ata e nderojnë. Ai do të demaskojë Edi Ramën në çdo gjë”, tha Berisha referuar të birit.
