Pas dorëzimit të listave me emrat e kandidatëve të Partisë Demokratike për zgjedhjet e 25 Qershorit, të shumta kanë qenë diskutimet në media dhe rrjetet sociale. Një prej qytetarëve i ka shkruar Berishës mbi këtë fakt dhe përgjigja e ish-liderit demokrat ka qenë e qartë: “ju siguroj se lista e kandidateve te PD esht ekskluzivisht vetem e kryetarit dhe jo e ish-kryetarit i cili pa asnje keqardhje ka patur zero rol ne listen e re”.
Mesazhi i ish-kryeministrit Sali Berisha:
“Faleminderit per mesazhin,me kete rast ju siguroj se lista e kandidateve te PD esht ekskluzivisht vetem e kryetarit dhe jo e ish-ktyetarit i cili pa asnje keqardhje ka patur zero rol ne listen e re. Por une mendoj se esht e drejte ekskluzive e kryetarit te zgjedhe ekipin e tije ,me urimet e mia me te mira per ju,me respekt Sali Berisha”, shkruan Berisha.
