Ish-kryeministri Sali Berisha ka folur për gazetarët menjëherë pas pezullimit të seancës plenare. Berisha në fjalën e tij u shpreh se mazhoranca ka marrë përsipër shkatërrimin përfundimtar të parlamentit. Sipas tij, në momentin që hiqet e drejta e fjalës për procedim është një shkelje e madhe e cila nuk ka ndodhur kurrë në histori.
“Ata heqin të drejtën e fjalës për procedim që është e drejta bazike në të gjithë parlamentet e botës, përfshirë këtu edhe samitin botëror. E drejta procedurës është një e drejtë që nuk shkelet kurrë, por ktu e shkelin këta”.
Berisha është ndalur edhe te ofendimi që i bëri Rama ku tha se:
“Vetëm një njeri që do të shkatërrojë parlamentin shqiptar dhe ky është…. Këta kanë frikë dhe nga Parlamenti. Cenimin më të madh do ta paguajnë ata vetë, s’ka ndodhur kurrë në histori që në mënyrë kaq të vendosur të mos respektohet e drejta e fjalës për procedurë si sot. S’kanë asnjë rëndësi ato të tjerat, kanë procedurën e vet, por kapitalen, si mund të më ofendojë mua Rama? Rama më nderon me çdo fjalë që thotë kundër meje. Problemi themelor është kjo se kemi të bëjmë me mohimin e të drejtës. Mazhoranca ka një skenar për të mashtruar qytetarët, gjithçka filloi me mohimin e të drejtës së fjalës”,
Ai gjithashtu u shpreh se i vetmi skenar në të gjithën këtë, është ai i mazhorancës për mashtrim.
“Ata janë shumicë e krimit, drogës dhe mafias, dhe ndihen të tmerruar çdo sekondë aty ku janë”. – përfundoi Berisha.
