Ish-kryeministri, Sali Berisha ditën e sotme feston 75-vjetorin e lindjes. Ai ka zgjedhur që përmes një foto të rrjete sociale të shfaqet së bashku me bashkëshorten e tij, Liri Berishën ku gjithashtu krahas kësaj foto bën një rezyme të viteve të jetës së tij.
Ish-lideri i Partisë Demokratike shprehu mirënjohjen e tij për familjarët, miqtë, bashkëpuntorët për dashurinë, sakrificat, miqësinë dhe ndihmën për të, në çdo kohë dhe çdo stinë si dhe që sipas tij, kanë bërë të mundur këto 75 vite të jetoj në realitetin e ëndrrave më të guximshme.
“E para që buron nga shpirti im këtë ditë është mirënjohja e pakufishme ndaj familjareve të mi të dashur, miqve të ngushtë, shqiptar dhe të huaj, bashkëpuntorëve të çmuar për dashurinë, sakrificat, miqesinë dhe ndihmësen e tyre tejet të vyer që kanë dëshmuar ndaj meje në çdo kohë dhe çdo stinë dhe kanë bërë të mundur këto 75 vite të jetoj në realitetin e ëndrrave të mia më të guximshme.
Ndjehem pafundësisht i lumtur, i priviligjuar dhe i bekuar nga Zoti që pata dashurinë, miqësinë, mbështetjen e tyre!,”-shkruan Berisha.
Në mbyllje të këtij statusi Berisha thekson se ka privilegjin të udhëtojë në vjeshtën e jetës së tij. “Falenderoj Zotin që me fuqinë dhe vullnetin e tij e ka bërë këtë vjeshtë të bukur si një pranverë të dytë për mua!,”-përfundon ish-kryeministri shqiptar.
Postimi i plotë i Sali Berishës në rrjete sociale
Sot 75 vjeç!
Miq, sot 75 vjeç!
E para që buron nga shpirti im këtë ditë është mirënjohja e pakufishme ndaj familjareve të mi të dashur, miqve të ngushtë, shqiptar dhe të huaj, bashkëpuntorëve të çmuar për dashurinë, sakrificat, miqesinë dhe ndihmësen e tyre tejet të vyer që kanë dëshmuar ndaj meje në çdo kohë dhe çdo stinë dhe kanë bërë të mundur këto 75 vite të jetoj në realitetin e ëndrrave të mia më të guximshme.
Ndjehem pafundësisht i lumtur, i priviligjuar dhe i bekuar nga Zoti që pata dashurinë, miqësinë, mbështetjen e tyre!
Së fundi miq, këtë dekadë unë kam patur kënaqesinë dhe privilegjin e veçantë të udhetojë në vjshtën e jetës time. Falenderoj Zotin që me fuqine dhe vullnetin e tij e ka bërë këtë vjeshtë të bukur si një pranverë të dytë për mua! sb/Opinion.al/
