Kreu i Partisë Demokratike, Sali Berisha ka mbërritur në Shkodër për të parë nga afër, situatën e krijuar nga rreshjet e shiut.
Gjatë fjalës së tij, Berisha akuzoi qeverinë se po e shesin energjinë me një çmim katër herë më të ulët se ajo që po blejnë.
“Mbrëmë jam njoftuar vonë shumë, se këta e hapën tunelin, se e kanë në program pune importin dhe nuk e ndërpresin. Gjithçka diktohet nga vjedhja. Ne e kemi deklaruar shumë herë që energjia është shndërruar në një nga mallrat e vjedhjeve më të mëdha. Kjo ishte absolutisht e parashikueshme, e ndalueshme, nëse do prodhohej energji dhe do ulej niveli. Energjia nuk kishte nevojë të blihej.Sot po shesin energji, me një çmim katër herë më të ulët se e blejnë, se e kanë kontratat. Janë verbuar. Qeveria ka qëndrim armiqësor të hapur ndaj Shkodrës. Por këtë akt e kanë bërë se janë kapur në flagrancë në një vjedhje të paimagjinueshme”, tha Berisha./Opinion.al
