Kryeministri Berisha akuzoi sot zv/ kryeministrin Erion Braçe se po ushtron terror në administratë, në prag të fushatës për zgjedhjet e qershorit.
Berisha tha në postimin e tij se Braçe, po përpiqet të spastrojë administratën nga ata që kundërshtojnë qeverinë.
Këtij postimi i është përgjigjur vetë Braçe, i cili ka shkruar se ka një të vërtetë në postimin e Berishës.
Brace njofton se po ushtron kontroll në të gjithë vendin, por ndryshe nga sa denoncon Berisha, nuk po kërkon tesera, por vetëm të bëhet puna dhe t’u shërbehet qytetarëve.
“Ose punën, rezultatet dhe shërbimin ndaj qytetarëve, ose lini zyrat e shtetit. Nuk ju mbron dot as Sali Berisha në të djathte dhe as unë në të majtë!!”- shkruan Brace.
Postimi i Braçes
Ose punë, rezultate dhe shërbimin ndaj qytetarëve, ose lini zyrat e shtetit!! Nuk ju mbron dot as Sali Berisha në të djathtë dhe, as unë në të majtë!! Mos u habisni;
Poooo une po shpërndaj Sali Berishen sepse ajo që ka shkruar ka një të vërtetë brenda.
Atëherë,
Në tre jave e pak po bëj dy gjëra:
E para, po shkoj vetë zyrë më zyrë rajonale që ofron shërbime publike për qytetarët, nga ajo e Tatimeve, tek Punësimi, Aluizni, Zrpp padiskutim, Issh, Shssh-këto të dyja edhe për komisionet e aftësisë së kufizuar, Bujqësisë, Aku etj etj;
E kam bërë në më shumë se gjysmën e qarqeve të vendit.
E dyta, kam kërkuar të plotësohet dosja personale e çdo nëpunësi, historiku i tij administrativ, përshkrimi i punës, objektivi, rezultatet dhe vlerësimi për të.
Thjesht nga kaq, çfarë nuk kam gjetur e besoj se do gjej edhe më shumë, me një impakt të njohur, mungesën e shërbimit për qytetarët për vite me rradhë.
Nderkohë, drejtuesit e këtyre zyrave rajonale e më gjerë, po vijnë një here në muaj në zyre tek unë, në një mbledhje pune në të cilën, pranohen vetëm për tre gjëra: Objektivi, Rezultati, Shqetësime të tjera.
Jam i habitur se si nuk paska shkruar ndonjë nga këta!
Qetësohu Sali Berisha; Ka vetëm një qëllim e gjitha: Shërbimin ndaj qytetarit!
Kudo që kam shkuar nuk i kam kërkuar kujt teserën por; Orarin-unë kam shkuar aty para tyre, përshkrimin e punës, objektivin, punën, rezultatin e arritur në shërbim të qytetarit. Për nëpunesit e inspektoriateve, kam kërkuar edhe urdhrin e punës që ndan një institucion nga një bandë.
Kjo është e vërteta! Ky është edhe qëllimi! Zyrtari që është shqetësuar dhe ka nxituar të ulërasë me shqipe prej analfabeti, nuk duhet të tregojë teserën siç ka bërë tek ty, por vetem rezultatet.
Nëse nuk i ka, do ikë nga zyra e shtetit sipas ligjit dhe, as tesera ime e as tesera jote Sali Berisha, nuk do i mbrojë dot!
Ky nuk është terror, kjo është përgjegjshmëri ndaj detyrës dhe shërbimit publik ndaj qytetarit;
Vertikalisht, nga unë deri tek i fundit nëpunës që paguhet nga taksat e qytetarëve. Ti Sali Berisha nuk hyn këtu. Ti ke gjithë të drejtën të jesh i papërgjegjshëm! Dl
