Ish-Kryeministri Sali Berisha i ftuar mbrëmë në emisionin “Studio e hapur” e gazetares Eni Vasili do të deklaronte se “ambasadorët në Shqipëri nuk sillen si diplomat por si Guvernator”. Ai nuk e kishte fjalën për ambasadorët në përgjithësi por për kryediplomatin amerikan, Donald Lu, edhe pse në asnjë moment nuk ia artikuloi emrin.
Berisha u pyet për reagimin e ambasëdës për protestën kundër plehrave dhe tha: “Kjo deklaratë ishte si ta kishte shkruar selia e PS dhe jo një ambasadë e huaj”. Për rritjen e rolit të ndërkombëtarëve në vend ai fajësoi Kryeministrin Rama. “Kemi një Kryeministër që përgjithçka u referohet ambasadorëve”, tha Berisha. Ai la të kuptohej se kishte marrëdhënie të mira me qeverinë amerikane edhe pse diplomati i tyre në vendin tonë është pozicionuar politikisht. /Opinion.al
