Sali Berisha do të raportojë javën që vjen në komision parlamentar të CEZ. Ndryshe nga ç’ka deklaruar Taulant Balla se do të merret me polici për të dëshmuar, Berisha thotë se ka njoftuar për mungesën e ditës së sotme. Ai e cilëson kreun e këtij komisioni hetimor si njeri sharlatan.
Deklarata e zëdhënëses së Berishës erdhi pasi Balla deklaroi në komision se Berisha ka hezituar në mënyrë të vzhdueshme për të dëshmuar për privatizimin e CEZ.
Më poshtë reagimi i plotë i zëdhënëses së Berishës
Ju njoftoj se zoti Berisha nuk është paraqitur sot në Komisionin Hetimor Parlamentar për CEZ për arsye objektive, gjë e cila është bërë me dije zyrtarisht në komision nga nënkryetari i këtij komisioni, zoti Arben Ristani.
Zoti Ristani ka njoftuar gjithashtu se zoti Berisha do jetë i pranishëm në mbledhjen e radhës së këtij komisioni.
Çdo deklaratë e bërë nga Taulant Balla është si gjithmonë, thjesht një sharlatanizëm i bërë nga një individ i pafytyrë dhe pa identitet.
