Ish-kryeministri, Sali Berisha, ka reaguar për ndarjen nga jeta të aktorit të mirënjohur Mirush Kabashi.
Përmes një postimi në rrjetet sociale, Berisha shkruan se dielli perëndoi përgjithmonë për Mirush Kabashin, gjeniun e skenës.
“Dielli perëndoi përgjithmon për Mirush Kabashin, gjeniun e skenës.
Të dashur miq, Mirush Kanashi, Mbreti i skenës dhe filmit mbylli sytë përgjithmon. Arti, skena por dhe kombi sot janë në zi. Mirush Kabashi hyri në artin shqiptar si një fenomen i cili me aftësitë, talentin e rrallë në interperetimet në filma dhe teatër të mbi 100 personazheve të veprave dhe kryeveprave të autorve shqiptarë e botërorë do bëhej shpejt artisti më i dashur për publikun shqiptar, por dhe shumë i vlerësuar nga ai ndërkombëtar. I paarriteshëm në të gjitha rolet, por kulmor dhe i pavdekshëm me “Apologjinë e Sokratit” ai ndahet nga ne dhe niset në përjetësi si Sokrati i ditëve tona. Mirush Kabashi ishte gjithashtu interpretuesi më i fuqishëm i poezisë. Ai ishte një mbështetës i palëkundur i opozitës dhe demokracisë në Shqipëri.
Duke shprehur mirënjohjen më të pakufijshme për kontributin e tij të rrallë dhe ngushëllimet e mia më të ndjera familjes, të afërmve, miqve dhe admiruesve të Mjeshtrit të Madh, i lutem Zotit q” shpirti e tij të gjej paqen e merituar. Amin! #sb”-shkruan Berisha.
Mirush Kabashi u nda nga jeta në moshën 75-vjeçare. Lajmin e kanë bërë të ditur familjarët e tij, të cilët nëpërmjet një njoftimi bënë me dije se Kabashi ka mbyllur sytë mesnatën e sotme./Opinion.al
