Kreu i PD Sali Berisha ka akuzuar kryeministrin Rama se ka favorizuar në tendra të afërmit e tij dhe familjarët.
Berisha tha se dhjetra tendera janë përfituar nga baxhanaku i Ramës apo vajza e bashkshortes së tij.
Kreu i PD akuzoi gjithashtu vëllain e kryeministrit, si të përfshirë në të gjitha lojërat e fatit në Shqipëri
“Nëse ju merrni tendera, a mundet që familjarët e kryeministrit të marrin pjesë në tendera. Jo kurrë. Nuk keni dëgjuar dhe nuk do të dëgjoni kurrë të marrë pjesë në tendera publike familjarë i një kryeministri që kërkon të jetë transparent.
Pa merrni pak, shkoni e shifni të dhënat. Dhjetëra tendera fiton baxhanaku i Edi Ramës, burri i motrës së Linda Ramës. Dhjetëra, dhjetëra.
Dhjetëra tendera fiton thjeshtra. Thjeshtra fiton në një kompani arkitektësh, në rregull. Mund të jetë e zonja, nuk kam asnjë vërejtje. Por nuk mund të fitojë tenderat njëri pas tjetri ajo kompani, se Europa ka me dhjetëra kompani, bota ka me qindra kompani. Se ajo, për definicion ajo kompani përjashtohet nga tenderat.
Dhe të gjithë këta, Erion Veliaj, kjo ministrja e Kulturës, çdo tender do t’i fitojë ajo kompani ku punon thjeshtra e Edi Ramës.
Për të mos thënë, Olsi. Nuk ka më të rrezikshëm, më peshkaqen në kuptimin absolut të fjalës. Olsi Rama është njeriu që përcolli Genti Xhixhën, furnitorin kryesor të fabrikës së miellit në Xibrakë. E përcolli nga Shqipëria. Olsi Rama i del emri si eminenca gri e të gjitha lojërave të fatit në Shqipëri.
Pra çfarë është kjo betejë e jona, ky revolucion. Ky revolucion është për të shpetuar çdo shqiptar nga kjo organizatë kriminale që i varfëron, mjeron që po i largon shqiptarët nga Shqipëria”, tha Berisha./Opinion.al
