Dëshmia e Albert Veliut për të vëllanë e ministrit Fatmir Xhafaj, Agron Xhafaj, është konsideruar nga ish-kryeministri Sali Berisha si një dëshmi me fuqi nukleare dhe një goditje vdekjeprurëse për vetë Edi Ramën dhe ministrin e tij.
Berisha shkruan në rrjetin social Facebook, se Rama dhe Xhafaj në vend që të arrestonin Agron Xhafën, e nisën atë drejt Italisë, duke deklaruar se incizimi i bisedës mes tij dhe dëshmitarit ishte e montuar.
Postimi i plotë i Berishës:
Dëshmi me fuqi tronditëse nukleare e dëshmitarit Albert Veliu!
Rama ikën parakohe faqenxirë nga samiti i Sofjes, Xhafa mbyll telefonin dhe zhduket si mi!
Të dashur miq, dëshmia me fuqi nukleare e dëshmitarit Albert Veliu ishte një goditje vdekjeprurëse për vetë kryekumbar Ramën dhe kumbar Xhafën. Ata, pasi heshtën 7 ditë me radhë dhe në vend që ta arrestonin, nisën dje në mëngjes forcërisht për në Itali Geron/Agron Xhafën, deklaruan se inçizimi i bisedës së këtij të fundit për trafiqe me dëshmitarin ishte e montuar.
Ky mashtrim i turpshëm si dhe pengmarrja e dëshmitarit që nxori në shesh fytyrën e vërtetë mafioze të klaneve Rama – Xhafa, janë një kushtrim për çdo shqiptar për të shporrur e përmbysur me një fortunë të përgjithshme popullore pushtetin e kryfamiljes mafioze të Shqipërisë dhe Europës, familjes Rama dhe familjeve mafioze Xhafa, Tahiri etj! sb
