Ish-kryeministri Sali Berisha u bëri thirrje delegatëve që të firmosin për mbledhjen e Kuvendit Kombëtar të PD-së.
Nga qyteti i Elbasanit, Berisha tha para simpatizantëve demokratë se partisë i është bërë një dëmtim i jashtëzakonshëm pasi i është hequr vota e lirë.
“Unë kam një kërkesë për çdo delegat, të firmosni për mbledhjen e Kuvendit të PD. Mund ta quani edhe Kuvendin e rithemelimit të PD. Ata që përzunë votën e lirë nga PD i bënë asaj një dëmtim të jashtëzakonshëm. Ne do rikthejmë votën, vullnetin tuaj, do jeni ju që në statut do të sanksionohet me votën tuaj të lirë. Do përcaktoni deputetët dhe renditjen e tyre”, tha Berisha.
