Java që nisi do të jetë vendimtare për situatën politike në vend. Zëvendës-ndihmës Sekretari amerikan i Shtetit, Mathew Palmer ka mbërritur në Tiranë, me një axhendë që ka ne fokus gjetjen e një zgjidhje për krizën politike që ka shkaktuar në Shqipëri djegia e mandateve të deputetëve nga opozita.
Nga ana tjetër partitë e opozitës janë të angazhuara maksimalisht për protestën e 13 prillit, e cila mund të ketë dhe ndryshime pas takimeve që Palmer do të zhvillojë me liderët e opozitës.
“Kemi të gjithë situatën në favor”, mësohet të jetë shprehur Basha. “Ne jemi de fakto shumicë. Që pas djegies së mandateve, PD ka një rritje të menjëhershme edhe mes të pavendosurve. Jemi shumicë absolute në çdo sondazh të pavarur vendas dhe të huaj”, mësohet të ketë thënë Basha, duke deklaruar kërkesën e pandryshueshme për largimin e Edi Ramës dhe qeveri tranzitore”.
Duke analizuar sondazhin, ish-kryeministri Berisha vlerësoi nivelin e lartë të partisë, pavarësisht kuotës ende të ulet të kryetarit.
Por, sipas tij, strukturat ruajnë skepticizmin derisa kryetari të shënojë fitore dhe pastaj ato ta quajnë lider.
“Kryetari bëhet lider kur e çon partinë në fitore. Vetëm atëherë të thërrasin lider, e deri atëherë kryetarit i duhet të kalojë detin në këmbë”, mësohet të jetë shprehur Berisha, sipas të cilit sondazhet po flasin në favor të PD./Opinion.al
