Ish-kryeministri Sali Berisha ka thënë se kryetari i PD, Lulzim Basha duhet largohet para 5 janarit ose më 8 janar anëtarët e PD do të marrin në dorë selinë e PD.
Në “Tv Klan”, Berisha tha se vendimi për shkarkimin e Bashës është pa kthim, ndërsa thekoi se më 8 janar do të ketë një tjetër protestë kombëtare.
“Në 5 janar nëse i ka ngelur një nano garm në koshiencën e tij, ai nuk e pret atë datë por të respektoj votën e 44 mijë demokratëve. Në datën 8 janar është përcaktuar datë proteste kombëtare. 44 mijë anëtarë të PD që firmosën do të marrin në dorë ndërtesën e PD. Nuk ka njeri që këtë vendim mund ta pengojë. Ajo që bëmë është se i dhamë kohë. Por vendimi dhe ekzekutimi i vendimit është pa apel e ka vetëm anëtarësia. Anëtarët e PD do vijnë tek selia për të shpëtuar pluralizmin.”,-tha Berisha./Opinion.al
