Ish-kreu i PD thotë se kryedemokrati Lulzim Basha ka dështuar në drejtimin e selisë blu. Sipas ish-kryeministrit, pasi dështoi Basha përdori kundër tij pabesinë, duke e përjashtuar nga grupi parlamentar.
Berisha tha se vendime në PD duhet të merren sipas statutit dhe në konsultim me forumet. Më tej lideri historik i PD theksoi se me vendimet e tij Basha ka cenuar pluralizmin në Shqipëri.
“Pasi dështoi, përdori armën më të poshtër që mund të përdorë njeriu, ajo quhet pabesi. Unë mbrojta dinjitetin dhe sovranitetin, kjo është e vërteta. Pas vendimit të tij dhe pasi kisha hequr dorë nga largimi im pa kthim, me vendimin e tij cenoj për vdekje sovranintenin e PD. Vendimet në PD i merrni ju, vota juaj dhe parimet e statutit që kemi. Vendimin e mori pa pyetur asnjë forum dhe asnjë. Atëherë kemi të bëjmë me asgjësimin e pluralizmit se ne ekzistojmë si forcë sovrane dhe shprehim mendimet lirshëm e respektojmë statutin. Këto janë shkaqet që më shtunë të nis foltoren e të vij tek ju. Të hap një debat që PD të dalë më e bashkuar, me e hapur se kurrë më parë”,-tha Berisha./Opinion.al
