Ish-kryeministri, Sali Berisha teksa po shkonte në zyrat e FRPD tha se janë vendosur persona të armatosur aty dhe për këtë arsye ai doli nga selia e PD. Ai u shpreh se Basha do të jetë përgjegjës për çdo akt dhune nëse ndodh teksa iu bëri thirrje demokratëve të distancohen nga këto ngjarje të cilat i cilësoi si të turpshme.
“Bandat e qeverisë kanë hyrë edhe në selinë e PD. Prania e bandave të armatosura në seli është çështje e veçantë, të rinjtë thonë se erdhën dhe na kërcënuan me armë, janë në një hapësirë tjetër. Janë futur banda të armatosura në selinë e PD-së. Ata që e kanë bërë, do të përgjigjen. Demokratët nuk mund të jenë të rrezikuar”, tha ai në dalje nga selia e PD-së.
“E dënoj me forcën më të madhe këtë qëndrim kriminal, që dëshmon fytyrën e vërtetë të njeriut që për karrigen e tij, ka marrë peng, deri para dy ditësh, Partinë Demokratike. E garantoj se do të mbahet përgjegjës për çdo akt dhune që do të ushtrojnë banditët e tij këtu në Tiranë dhe në mbarë Shqipërinë. U bëj thirrje demokratëve të distancohen nga këto akte të turpshme që nuk kanë ndodhur kurrë në historinë e PD-së”, tha Berisha./Opinion.al
