Avionë të tjerë droge po fluturojnë në hapësirën ajrore të vendit tonë.
Lajmi është publikuar nga ish-kryeministri, Sali Berisha në Facebook, i cili, referuar qytetarit digjital, shkruan se mizat po fluturojnë në narko-shtetin e Noriegës.
Mesazhi i qytetarit dixhital: Përshëndetje doktor, ju shkruajmë nga Elbasani, qyteti që është futur në kthetrat e mafiozëve që dita-ditës pushtohet nga droga, nga bandat kriminale. Siç e shihni edhe në foto, mizat e Edvin Ramës nuk pushojnë edhe në mes të ditës.
Shqipëria ka shënuar disa raste konkrete të trafikut të drogës përmes ajrit, tentativa që shpeshherë kanë rezultuar edhe fatale për trafikantët.
Tre vjet më parë, në 10 maj 2014 një avion i vogël që drejtohej nga një pilot italian u rrëzua në plazhin e Divjakës. Një tjetër rast, u shënua më 15 shtator, një avion i vogël i nisur nga Bari u rrëzua rreth orës 08:45 minuta në zonën e Ishmit, i drejtuar nga piloti italian 69 vjeçar, Guido Andrea Guidi.
