Edhe mbrëmjen e sotme kanë vijuar replikat në rrjetet sociale midis kryeministrit Edi Rama dhe Lulzim Bashës.
Përmes një video-montazhi, Rama i ka kthyer përgjigje Bashës për deklaratat e tij, ku nuk mungojnë dhe ironitë për Sali Berishën.
Më frazën “O Rameeee”, ka nisur dhe ‘dialogu’ i sotëm mes tyre, ku kryeministri shprehet se është bërë tashmë frazë e njohur dhe ka shumë që po e thërrasin kështu.
Dialogu në video-postimin e Ramës:
Basha: O Rameee…!
Rama: O Lul, po ku je o vlla, ku je?! Se ka dalë në modë kjo thirrja ‘O Rameeee…!’, edhe kush nuk më thërret, kështu që nuk ia kthej kokën, nuk ia var! Ku je më vlla?!
Basha: Ça bohet me Ramë?
Rama: Ça të bohet mo Lul, i shqetësum jam, shumë i shqetësum jam, për ty, kuptohet, se për vete e di që po e ndave mendjen, përfund edhe këtë herë. Po si do bëhet, se u ngrejte lartë kur u zgjove, më vure para, por ke ra. Ke ra prapë! Të tremb, të tremb ai dreq bufi më duket. S’je ai Lul cunami i dikurshëm, nuk je, nuk e ke atë, s’e di ça ka ndodh me ty!
Basha: Ka dalë doktori me u anku, sepse të sulmoj unë ty. A e ndigjove ça thotë?
Rama: A e shef, a e shef, rri e dëgjon bufin! Hala i thuaj doktori, po ça doktori me Lul?! Të shkuli si me qenë dhemb qumështi, pa anestezi, me qysqi, doktori, doktori… Cili doktor mo?!
Basha: Ke dalë nga realiteti, që kur merresh me Lul Bashën, dmth, përpara ishe në realitet ë?
Rama: Por është xheloz, është xheloz për ne mo burrë! Plus që i ka lëshu pllumbat ai, e ke vu re a jo? I fiket llamba mo, përditë! Në mes të bisedës flet kuturu! Mezi po pres kur t’i thotë Flamurit, Luli…! Ti prapëseprapë ke frikë, çudi e madhe mo, pse e ke frikë bufin, pse?
Basha: Edhe flet ti për dashni! Ty s’të ndahet shpirti nga bufi me Rame, por as bufit nga ty me Ram!
Rama: Mos ma thuj këtë se më vret. Unë sa hap sytë mo flas me vete, ku është Luli, a do ta shof vallë Lulin, ça do bëjë Luli sot?! Pastaj trembem, se më del përpara vigani, timonier, fitimtar, dhe sa hap ti gojën, them mosss, ky mezi pret me ja fut gjumit verës më duket, s’ka sy për qabe. Të përshëndes!
