Ish-kryeministri Sali Berisha iu ka bërë thirrje anëtarëve të kryesisë së PD, Lulzim Bashësh dhe nënkryetarëve të kësaj partie që të japin dorëheqjen, pasi nuk përfaqësojnë demokratët.
Berisha tha se tashmë PD është një shoqatë që drejtohet nga Basha dhe Sekretari i Përgjithshëm, i selisë blu, Gazment Bardhi.
“Ju jeni dëshmitar se si ky njeri ka marrë vendime në tre muajt e fundit pa pyetur asnjë forum, asnjë nen të statutit. Ju jeni dëshmitar së fundmi që Kryesinë e partisë e ka me 60% të emëruar. Ajo nuk është Kryesia juaj, ajo është Kryesia e peng Bashës. Unë i ftoj ata të gjithë që të japin dorëheqjen për dinjitetin e tyre. Ata u përkasin ju dhe ju them se ju jeni drejtuesit dhe njerëzit e besimit të anëtarësisë së PD. Ju nuk mund të jeni kurrë anëtarë të shoqatës Basha-Bardhi, duhet të qëndroni midis anëtarësisë së PD. Ndaj dhe jepni dorëheqjen“, u shpreh Berisha./Opinion.al
