Kryesore

Berisha akuza Ramës nga Postriba: Shqipëria është në duart e një cubi pa moral



Bëhu pjesë e Grupit Zyrtar të Opinion.al
>> KËTU <<
               Publikuar në : 10:53 - 09/09/22 |
Opi Nion

Paraditen e kësaj të premteje, kryetari i PD, Sali Berisha ishte i pranishëm në ceremoninë përkujtimore të kryengritjes kundër regjimit komunist në Postribë.

Teksa akuzoi sistemin komunist për krimet ndaj qytetarëve, Berisha u ndal dhe në aktualitetin politik.

Gjatë fjalës së tij, kryedemorkati tha se aktualisht Shqipëria është në duart e një “cubi”, duke iu referuar kryeministrit Edi Rama.

Sipas Berishës, qeveria po vjedh qytetarët dhe se ka rritur çmimet e produkteve dhe të energjisë elektrike.

“Sot, pas 76 vitesh, Shqipëria është në një rrezik të madh sepse ajo përjeton vendosjen e monizmit, e pushtetit të një partie, të përqendruar në duart e një cubi që nuk ka moral, që nuk ka nder, që nuk ka asgjë, që vjedhe e plaçkit qytetarët shqiptarë çdo ditë. Ky është Edi Rama. Përdor çdo fatkeqësi ndaj tyre për t’i shtypur, për t’i shfrytëzuar, për t’i vjedhur më shumë. Çfarë bëri me kovidin? Nxori tanket, nga ana tjetër vidhte çdo ditë, ndaj edhe vdekshmëria e shqiptarëve shkoi në qiell. Çfarë po bën me këtë krizë? Të njëjtën gjë. Me rritjen e çmimeve fiton qindra milionë, qytetarët i mashtron me thërrime. Sot Postriba është sërish në rrezik, Shqipëria është në rrezik. Prandaj edhe ne duke u përkulur me nderimin më të madh për heroizmin e burrave të Postribës, le të zotohemi përpara këtij monumenti, se do mbrojmë idealet e tyre të lirisë dhe Shqipërinë do e shpëtojmë nga ky regjim armiqësor, hajdut, që po shkatërron çdo ditë qenien shqiptare”,-tha Berisha./Opinion.al

Pas