Teksa ka prezantuar kandidatin e koalicionit “Bashkë Fitojmë” në Has, ish-kryeministri Sali Berisha ka hedhur akuza ndaj kandidatit të PS-së për Bashkinë e Hasit dhe kryeministrit Edi Rama.
Berisha tha se kandidati i PS në Has ka qenë i denuar dhe arrestuar ndërsa po ashtu theksoi se ai ka dy emra: Halit Mula me emrin e ri, Beqir Mula me emrin e babës së vet.
Berisha tha ndër të tjera se kandidati i PS-së për Bashkinë e Hasit, ka vetëm një shok në politikën shqiptare ku përmendi kryeministrin Edi Rama, i cili sipas Berishës ka qenë i arrestuar në Paris për shitjen e piktuarve të vcjedhura.
“Ai tjetri është Halit Mula me emrin e ri, Beqir Mula me emrin e babës së vet. Tani, do t’i them 2 fjalë atij: Halit dhe Beqir, mesa shoh unë në politikën shqiptare ti ke vetëm 1 shok dhe je unik. Ti je dënuar, arrestuar 5 herë në burg – në Greqi, në Slloveni, në Vërnicë, në Durrës me radhë e me radhë, por prapë këshilla ime për të është kjo: Nëse të thotë ndonjë fjalë Edi Rama, do t’i thuash kaq, “jemi vëllezër siamezë, se vërtetë unë kam 2 emra, por edhe ti ke 2 emra, edhe Edi edhe Edvin. Unë jam arrestuar në Greqi, por ti je arrestuar në Mynih për vjedhje”. Thuaj “jam arrestuar në Slloveni, por ti je arrestuar në Paris sepse shisje piktura të vjedhura”. Nëse ka 2 burra që i kanë provuar hekurat në politikën shqiptare ata janë Beqir Mula dhe Edvin Rama. Thirrja ime për çdo hasjan, në 14 Maj, të gjitha votat Miftar Dautit”-tha Berisha.
