Presidenca dhe mazhoranca janë përfshirë në një përplasje ashpër në lidhje me emërimet e anëtarëve të Gjykatës Kushtetuese.
Presidenti Ilir Meta, teksa ka deklaruar se qeveria kërkon të kap Gjykatën Kushtetuese, ka hedhur akuza në adresë të kreut të kreut të Këshillit të Emërimeve në Drejtësi, Ardian Dvorani, për të cilin ka bërë dhe një kallëzim penal.
Këto akuza janë përforcuar dhe nga ish-kryeministri Sali Berisha, i cili gjatë një interviste televizive është shprehur se Dvorani ka marrë dhurata nga Telecom shuma të mëdha dhjetëra, mijëra euro, apartamente.
“Një njeri i cili ka marrë dhurata nga Telecom, shuma të mëdha dhjetëra, mijëra euro, apartament dhe që ka zhvilluar gjyqe për Telecom. Një gjykatës që për 5 vite ka pasur pabesi ndaj ligjit, të ulet me djalin e tezes në panel, e kupton tani se çfarë standardi është ky. Kanë gjykuar 5 vite së bashku në Gjykatën e Lartë. Mund të ndodhë kjo? Një njeriu i cili është i njohur për manipulime të radhëve të gjitha gjërave në Gjykatë Kushtetuese. Nuk e kam të vërtetuar, por thuhet se ka qenë prokuror i rezistentëve Shkodranë që rrëzuan bustin e Stalinit,”-ka thënë Berisha./ Opinion.al
