Një grua 41-vjeçare është arrestuar nga policia e Gramshit, pasi akuzohet se ka dhunuar dy fëmijët e saj.Në pranga u vu Gentjana Abazi, 41 vjeçe banuese në fshatin Snosëm Gramsh. Njëri prej fëmijëve është rrahur aq shumë sa po merr mjekim në spital.
Policia njoftoi: “Arrestimi i saj, u bë pasi në banesë, në kushtet e depresionit dyshohet të ketë ushtruar dhunë fizikie dhe psikologjike ndaj dy fëmijëve të saj, vajzës shtetases E.M., 18 vjeçe dhe djalit G.A., 14 vjeç, i cili ndodhet në spitalin e Gramshit, jashtë rrezikut për jetën”.
Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Dhuna në familje” parashikuar nga neni 130/a/3 i Kodit Penal.
